"Тамақтану сапасына мониторинг 2 желтоқсан күні мектеп асханасында тамақтану сапасына мониторинг жүргізу жөніндегі комиссиялардың (бракераждық комиссиялар) кезекті тексеру жұмыстары жүргізілді. Комиссия құрамында А.Кушекова мектеп директорының м.у.а, комиссия төрайымы, Т.Бозатова ата-аналар комитетінің төрайымы, қамқоршылық кеңесінің төрағасы Н.Балғабаев және мектеп медбикесі М.Ізімбергенова болды. Тексеріс барысында асхананың санитарлық жағдайы, тағамдардың сапасы мен қауіпсіздігі, дайын тамақтармен азық-түліктің сақталу талаптары, асхана қызметкерлерінің гигиеналық талаптарға сәйкестігі мен басқа да маңызды аспектілер тексерілді."