"Мектебімізде 1–4 сынып оқушыларына арналған «Мамандықтар фестивалі» атты танымдық іс-шара өткізілді. Іс-шараның мақсаты – оқушыларды әртүрлі мамандық түрлерімен таныстыру, еңбекті қадірлеуге баулу және болашақ мамандыққа қызығушылықтарын арттыру. Фестиваль барысында оқушылар мамандықтар әлеміне саяхат жасап, тігінші, сатушы, аспазшы, өрт сөндіруші сияқты түрлі мамандықтармен танысты. Оқушылар көріністер қойып, ойындар мен тапсырмалар арқылы өз белсенділіктерін көрсетті. Сондай-ақ, мамандықтарға байланысты макеттер мен суреттер ұсынылды. Кәсіптік бағдар беруші: Изтилеуова Нургул Куанбековна."