"Дублер күніне орай 9-сынып оқушысы Молдабекова Кәусар анасының жұмыс орнында болып, бір күн бойы еңбек процесімен танысып қайтты. Іс-шара барысында Кәусар жұмыс күнінің қалай өтетінін, қызметтік міндеттердің орындалу тәртібін және еңбек мәдениетінің маңызын өз көзімен көрді. Бұл тәжірибе оқушыға ата-анасының еңбегін тереңірек түсінуге, жауапкершілік пен еңбекке деген құрметті қалыптастыруға ықпал етті. Дублер күні оқушылардың болашақ мамандықты саналы таңдауына бағыт-бағдар беретін маңызды шаралардың бірі болып табылады."