"⚜️16 желтоқсан — Тәуелсіздік күні⚜️«Адал азамат» Біртұтас тәрбие бағдарламасы аясында 16 желтоқсан Қазақстан Республикасының Тәуелсіздік күніне орай мектебімізде «Қазақ елі-мәңгілік ел» тақырыбында мектепішілік шара ұйымдастырылды. Оқушылар Тәуелсіздікке арналған өлеңдерін оқып, патриоттық әндер орындады. Іс-шараның мақсаты — Тәуелсіздіктің маңызын түсіндіру, ел тарихын құрметтеуге, отансүйгіштікке, ұлттық рух пен бірлікке тәрбиелеу, жастардың бойында туған елге деген мақтаныш сезімін қалыптастыру. Қазақ елі бай тарихы бар, талай сыннан өткен ел. Көшпелі өркениеттен бастау алған қазақ халқы еркіндікті, жерді, елді қорғауды басты құндылық деп санаған. 1991 жылы Қазақстан тәуелсіздікке қол жеткізіп, өз мемлекеттілігін әлемге танытты. Бұл – Мәңгілік Ел болуға жасалған маңызды қадам екеніне көз жеткізді. Шара соңы Республикалық біріңғай “Жас Ұлан”және “Жас Қыран” балалар мен жасөспірімдер ұйымына қабылдау рәсімі өтті. Оқушылар ант қабылдап, Жас Ұлан гимнін шырқады. Ұйымға қабылданған оқушыларға сәттілік тілейміз!"