"Мектебімізде 22 наурыз – ұлыстың ұлы күніне орай, «Шабыт» жобасы аясында ұлттық қолөнерден көрме ұйымдастырылды. Көрмеге ауылымыздың шебер апаларының өз қолдарынан шыққан ұлттық ою-өрнектері бар бұйымдар, тоқыма бұйымдар, құрақ көрпелер сияқты заттар қойылды. Сонымен қатар оқушылардың жасаған бұйымдары да көрме де көрсетілді. Көрменің негізгі мақсаты – оқушыларға және көрермендерге ұлттық мәдениетімізді дәріптеу, дәстүрлі өнерге қызығушылық ояту және шеберлердің шығармашылық үлгісін таныстыру болды. Сонымен қатар, шара қайырымдылық бағытында да өткізілді. Зейнеткер апаларымызға азғантай көмек болсын деп қойылған өнімдер сатуға ұсынылды. Көрмеге қатысқан балалар мен ересектер шеберлердің қолөнер бұйымдарын тамашалап қана қоймай, ұлттық бұйымдар жасауға қызығушылықтары оянды. Көрме қатысушыларға ұлттық дәстүрімізді тереңірек түсінуге, өз өнерлерін бағалауға және шығармашылыққа шабыт алуға ерекше мүмкіндік берді."