"23 сәуір-Ұлттық кітап күніне орай 7-сынып оқушылары арасында “Кітаппен кемел болашаққа” тақырыбында танымдық сайыс ұйымдастырылды. Мақсаты оқушылардың кітап оқуға деген қызығушылығын арттыру, ой-өрісін кеңейту, білімге құштарлығын дамыту, сөздік қорын байыту. Кітап-адамзаттың рухани азығы, білімнің қайнар көзі. Кітап арқылы біз өткенді танимыз, бүгінді түсінеміз, болашақты болжаймыз. Танымдық сайысымыз төрт кезеңнен тұрады.1. “Мен оқыған бір кітап” оқушылар оқыған кітаптарын талдау.2. “Жасырын атау-ашық ой” шығарма мұқабасынан кітаптың авторын,атын табу.3. “Шығарма сөйлейді-сен ата” шығарма үзінділерін оқып кітаптың авторын,атын атау.4. “Кітап туралы мақал-мәтелдердің жалғасын табу.Оқушылар шараға белсене қатасып, өз ойларымен, пікірлерімен бөлісті.Кітап-біздің рухани досымыз.Кітаппен дос болған адам ешқашан адаспайды.Сондықтан кітап оқуды ешқашан тоқтатпайық!"