"15 сәуір күні 5–6 сынып оқушылары арасында Ғылым күніне орай «Нағыз жүйрік» атты тарихи викториналық ойын ұйымдастырылды.Аталған сайыс 4 кезеңнен тұрды:🔹 І кезең – «Бәйге»: 15 сұрақтан тұратын тест тапсырмалары орындалып, Kahoot платформасы арқылы өткізілді.🔹 ІІ кезең – «Дұрыс ақпаратты тап»: қатысушыларға тарихи тұлғалар туралы 4 ақпарат ұсынылып, соның ішінен дұрыс жауапты анықтады. Бұл кезең де Kahoot арқылы жүргізіліп, нәтижелер автоматты түрде есептелді.🔹 ІІІ кезең – «Сандар сөйлейді»: оқушыларға тарихқа қатысты маңызды жылдар мен сандар беріліп, олардың мәнін ашу тапсырылды.🔹 IV кезең – «Шатасқан әріптер»: қатысушылар берілген әріптерден тарихи сөздерді құрастырып, өз білімдерін көрсетті.Сайыстың ІІІ және IV кезеңдерін қазылар алқасы бағалап, оқушылардың білім деңгейі мен тапқырлығы сараланды.Сайыс барысында оқушылар белсенділік танытып, өзара білім жарыстырды. Нәтижесінде үздік қатысушылар анықталып, марапатталды.📚 Мұндай танымдық ойындар оқушылардың тарих пәніне деген қызығушылығын арттырып, білімдерін тереңдетуге ықпал етеді."